Ermelo Brahmane het in hul eerste kragmeting van die liga teen Mhluzi Rugbyklub in Middelburg te staan gekom en die veld met hulle gevee.

Die manne van Ermelo het goeie dissipline op die veld gehandhaaf en sewe drieë teenoor hul teenstanders se een drie aangeteken om die wedstryd met 47-7 te beklink.

Willie de Jager het twee drieë aangeteken, terwyl Michael van de Linde, Nickey Jansen van Rensburg, Jean-Pierre Groenewald, Deon Minaar en Menzi Nkosi elk een drie gedruk het.

Zevey Geel het een daarvan verdoel en Nickey Jansen van Rensburg het vyf drieë verdoel.

Minaar het ’n nekbesering opgedoen en die span wens hom ’n vinnige herstel toe.

“Dankie aan ons ondersteuners wat die wedstryd bygewoon het asook ons borge, PC Sand en McLovin Trading,” het mnr. Bennette Burger, hul afrigter gesê.

Ermelo Brahmane sal op 14 Mei teen Amsterdam in Piet Retief in hul tweede ligawedstryd teen mekaar te staan kom.