Morgenzon se Sias Greyling het Saterdag, 20 September, sy moed en krag getoets toe hy in die Heartfelt Arena, in die hok geklim het teen Carel Davin as deel van Moer ’n Boer se tweede seisoen.

Die geveg was ’n intense kragmeting wat Greyling se deursettingsvermoë duidelik gewys het. Hy het sy swaar linker, boks- en skopwerk ingespan wat duidelik spreek van sy voorbereiding vir die geveg.

Daarenteen het Davin se aanhoudende vorentoe beweegn en ysterken vir Sias probleme ingehou.

Greyling het maande lank voorberei met plaaslike afrigters en klubs, en sê hy sien hierdie ervaring as die begin van sy pad in gemengde vegkuns: “Ek wil nie op hierdie noot afsluit nie. Ek sal nou by die kleiner amateurgevegte begin en myself weer opwerk,” het hy aan die Hoëvelder gesê.

Hoewel Greyling die geveg verloor het, het hy groot respek gewen.

Sy voorbereiding saam met plaaslike klubs en sy deursettingsvermoë het gewys dat hy nie net vir die plaaslewe gebou is nie.

Maak seker om die ronde vir ronde verslag in hierdie week se gedrukte uitgawe van die Hoëvelder te lees.