Ligbron o. 15A-span wen Noordvaal Skild-eindstryd teen Secunda
Die Liggies het ’n indrukwekkende seisoen afgesluit met ’n oorwinning wat hulle as Noordvaal Skildkampioene bekroon het.
Ligbron se o. 15A-span is die afgelope naweek as Noordvaal Skildkampioene gekroon ná ’n oorwinning oor Hoërskool Secunda.
Die Liggies het in Saterdag se eindstryd met 20-15 teen Secunda geseëvier om ’n besonder suksesvolle seisoen op ’n hoogtepunt af te sluit.
Die span het al hulle wedstryde gedurende die seisoen gewen en slegs gelykop gespeel teen Hoërskool Secunda.
Secunda het rustyd met ’n 8-12-voorsprong binnegegaan, maar die Liggies se tweedehelftepoging het vrugte afgewerp en hulle het die kragmeting met 20-15 gewen.
Juan Lee Conradie was verantwoordelik vir twee van Ligbron se drieë, terwyl Kabelo Mashile ook gaan druk het. Motheo Mogajane se akkurate skopwerk het vir die res van die span se punte gesorg.
Die oorwinning plaas Ligbron algeheel derde in die Noordvaal Skildafdeling en rond ’n seisoen af waarin die o. 15A-span ’n indrukwekkende rekord opgebou het.
