Kennies-krieket sluit seisoen suksesvol af
Die liga het meer as net die skool trots laat voel. Meeste van die spelers is ook vir verskeie buitemuurse spanne gekies.
Laerskool Kenmare se krieketspelers het die seisoen met trots afgesluit nadat al die spanne die Wes-Randse Krieketliga gewen het.
Die skool het vyf spanne in die liga gehad en hulle het 75 persent sukses behaal. Die spanne het altesaam 57 wedstryde gespeel waarvan hulle 43 gewen het.
Die liga het meer as net die skool trots laat voel. Meeste van die spelers is ook vir verskeie buitemuurse spanne gekies.
Drie-en-dertig van die seuns vir die Gauteng-Wes-span gekies en ses seuns is as lede van die streekspan verkies.
Die afrigters het ook gewys wat in hulle steek toe drie van hulle aangewys is as afrigters van die Gauteng-Wes-span asook die streekspan.
Billy van Zyl, een van die skool se krieketspelers, is vir die Gautengse o.13 A-krieketspan gekies – boonop as kaptein van die span.
Kliek hier vir meer fotos
Soortgelyke artikels:
•Kenmare-atlete vir Gauteng-span gekies
•Kenmare-atlete op pad kampioenskappe toe
•[FOTO’s] Kenmare se kekkelbekkies
