Bloed loop in Arnot
Sy seun ry in ‘n Golf met groen ligte rond, saam met ‘n groep ander werklose jong mans, almal onder die ouderdom van 20-jaar. Mnr. Van Zyl het Woensdag erken dat alle Delta patrollies Dinsdagaand gestaak is, omdat “die jonges begin hand uit ruk het”. Die Observer se fone is sedert Maandag warm gebel oor …
Sy seun ry in ‘n Golf met groen ligte rond, saam met ‘n groep ander werklose jong mans, almal onder die ouderdom van 20-jaar.
Mnr. Van Zyl het Woensdag erken dat alle Delta patrollies Dinsdagaand gestaak is, omdat “die jonges begin hand uit ruk het”.
Die Observer se fone is sedert Maandag warm gebel oor die groep, wat hulleself die Deltas noem, se aanvalle.
Die selfaangestelde groepleier, mnr. Dirk Venter, het Woensdag die foon in die Observer se oor neergegooi toe hy gepols word oor die Deltas se skrikbewind, nadat hulle van die groter Arnot radiogroep afgestig het.
“Daar was ‘n geskil tussen die Alfa-Bravo groep en die Deltas en die Deltas het afgestig,” sê mnr. Van Zyl, wat erken het dat sy seun een van die jongelinge is wat “die pad byster geraak het”.
Mnr. Thabang Sello is verlede Donderdag in die straat op pad na Eskom voorgekeer deur die Deltas wat hom met kabelbinders vasgebind, geslaan, met pepersproei gespuit en met verfbalgewere geskiet het.
Hulle het mnr. Selo daarvan beskuldig dat hy “kinders agtervolg”.
Die klaers beweer dat ledige huisvroue ook daagliks saamtrek op straathoeke, om die skool en by winkelsentrums met hul radios en al wat swart mens is verdag maak.
Raadslid Van Zyl sê hy is bewus van die aanval op Sello maar beskuldig Exxaro se sekuriteitswagte, terwyl mnr. Sello die blaam vir sy beserings voor die deur van die Deltas lê.
Raadslid Van Zyl sê dat daar op mnr. Sello toegesak is nadat dit oor die radio uitgesaai is dat hy kinders agtervolg.
Die Delta kapokhaantjies het net voor die polisie opgedaag het, die bloed van sy gesig afgevee.
Die voorval is deur drie vroue, wat uit vrees nie hul identiteite wil verstrek nie, bevestig met die woorde “die Observer moet nou help, iemand gaan nog doodgemaak word”.
Venter se seun word ook by minstens drie ander aanvalle op swartmense in Arnot verbind.
Raadslid van Zyl, wat ‘n betaalde lid van die Deltas is, sê hy was nooit betrokke by enige voorvalle nie en werk tot 18:00.
Hendrina polisie het Woensdag vir Venter ondervra na ‘n klag Dinsdag by hulle ingedien is.
gerhard@mobserver.co.za
