Opvolg: Die dokter, die man en die hofsake
Die man wat gearresteer is omdat hy twee keer 'n beskermingsbevel geïgnoreer het, was Woensdag vlugtig in die hof.
Die saak teen Liam Niemandt is uitgestel omdat die ondersoekbeampte nie by die hof was nie.
Niemandt bly in aanhouding tot Vrydag vir formele borgaansoek. Daar is sprake dat nog klagtes dan bygevoeg kan word.
Niemandt is twee weke gelede gearresteer, nadat hy na bewering twee keer ‘n beskermingsbevel van sy eksvrou, Chantal, geïgnoreer het.
• Hy het dieselfde dag ‘n klagte van aanranding teen dr. Alan Kok aanhangig gemaak en die dokter het ook in die hof verskyn. Borg van R500 is aan hom toegestaan. Dr. Kok was Woensdag ook vlugtig in die hof op dié klagte.
• Niemandt en Kok was in Januarie vanjaar in die nuus nadat daar ‘n onderonsie tussen die twee uitgebreek het oor ‘n beweerde verhouding tussen mnr. Niemandt se vrou en dr. Kok. Dr. Kok is hiertydens deur Niemandt met ‘n mes gesteek. Die Niemandts is intussen geskei.
• Beide dr. Kok en me. Niemandt het verlede week gesê dat mnr. Niemandt hulle die afgelope paar maande geteister het en het hom as “gevaarlik” beskryf.
Me. Niemandt het ook aangedui dat sy vir haar lewe vrees.
Lees meer hier:
Dr. Kok en messteker sage duur voort
Opvolg: Dokter Kok drama duur voort
Dokter het al met gereg gebots
Opvolg: (Video) Wys bebloede dokter
Opvolg: Dr. Kok uit kamers geskop
Send a message to our SMS line 37 940 or add us onto Facebook and Twitter @Mobserv to receive your free daily news updates.
Also check out our Video’s on Youtube daily!
