Nuusflits: Kon nie lyk tussen krokodille kry nie
Krokodille en seekoeie in die Krokodilrivier het vanoggend gekeer dat lede van die Middelburg Honde-eenheid, Middelburg Berede-eenheid en polisieduikers ’n lyk kon opspoor.
Die groepe is al vanoggend kort na sonop uit Middelburg weg om na die lyk te gaan soek op die Rivulet-grondpad vanaf die N4 (Schoemanskloof) tussen Ngodwana en Nelspruit.
Hulle is met ’n boot oor na die oorkantste wal vanwaar die lyk die laaste keer gesien is. Die hele area is gefynkam van die wal af, maar hulle kon niks kry nie.
Die duikers kon nie in die rivier ingaan nie, want oral was daar krokodille en seekoeie in die water.
Sers. Leon Harrington en sy hond Tara, asook adj. Johan Smit met Ava, het ook die bergagtige gebied en langs die rivier gesoek af, maar het niks gekry nie.
Daar word bespiegel dat krokodille moontlik die lyk opgevreet of dat die oorskot moontlik verder af in die rivier meegesleur is.
• Die naam van die oorledene is nog nie bekend gemaak nie.
Lees ander nuus hier:
Motorist confronts bike thieves
Foto’s: Inloop uit lug gesien!
Water stroom oor keerwal by dam
Video: Damvlak styg na vier ure se stortreën op plaas
Video: Land grabs turns violent
Send a message to our SMS line 33658 or add us onto Facebook and Twitter to receive your free daily news updates.
