Video: Trane van blydskap toe bordeel toemaak
’n Bejaarde vrou wat vir jare langs ’n bordeel in Meyerstraat moes bly, het in trane van blydskap uitgebars toe die bou afdeling van die munisipaliteit ’n hofbevel bekom het om die huis toe te maak.
Susan van Achterbergh het talle male by www.mobserver.co.za kom aanklop om te kla oor die bedrywighede langs haar.
Sy moes keer op keer in mans se privaatdele vaskyk as hulle urineer en ook met die konstante geraas wat deur wilde partytjies gepaard gegaan het, saamleef. Huurders in haar woonstel, wat haar enigste bron van inkomste is, het keer op keer uitgetrek, omdat hulle nie met die rumoer kon saamleef nie.
Bouinspekteurs het verlede jaar ’n hofbevel gekry wat die eienaar van die huis Lettie dos Santos 30 dae gegee het om bedrywighede by die huis te staak, omdat dit bouregulasies oorskry het.
Toe sy nie aan die eerste hofbevel gehoor gegee het nie, is ’n uitsettingsbevel bekom.
Dit is laas week Vrydag bekragtig toe die munisipaliteit met behulp van Foto Sekuriteit, beslag gelê het op die meubels en inhoud van die huis en die deure gesluit het.
Lees meer nuus deur die Middelburg Observer gaan “Like” ook ons Facebook volg ons ook op Twitter en Instagram
