Motorfiets gister gesteel
Net etlike ure nadat ’n man ’n sterker slot op sy hek gesit het, is sy motorfiets gesteel.
Mnr. Tiaan Pretorius sê hy het juis Maandag ’n sterker slot op sy skuifhek by sy huis in Oribistraat (Kanonkop) gesit, “omdat ek kriewelrig gevoel het.”
Dinsdag tussen 03:00 en 04:00 het die bure se honde aggressief begin blaf en hy het gaan kyk of hy iets kan sien.
Alles het egter reg gelyk en hy het weer gaan slaap. Teen omstreeks 07:00 is hy na buite, waar hy gesien het dat sy veldmotorfiets, ’n blou 450 cc Yamaha WR, gesteel is.
Lees verwante stories hier:
“Die diewe het sommer die hekslot saam met hulle gevat!”
Mnr. Pretorius het sowat ’n maand gelede die motorfiets gekoop met die doel om eersdaags weer aan uithouritte deel te neem.
As enigiemand die motorfiets gewaar, bel mnr. Pretorius by 076 618 6471.
Lees meer nuus op die Middelburg Observer webwerf en gaan “Like” ook ons Facebook volg ons ook op Twitter en Instagram
