Mnr. Phillip Vortsman sê hy het pas die sleepwa klaar gebou en dit was nog net op die besigheid se naam geregistreer, maar nog nie op ’n persoon se naam nie.

Die booswigte het by die bure se erf ingegaan en oor die muur na sy erf gespring. Daarna het hulle die sterk slot by sy hek oopgebreek en die sleepwa uitgestoot.

“Hulle het voorbereid gekom om daardie slot te breek, deur met spesifieke toerusting te kom!” het hy vies gesê.

Hy het genoem dat die booswigte net gekom het vir die sleepwa, want hulle het nie eers geraak aan sy grassnyer, wat buite gestaan het, nie.

• As enigiemand die sleepwa iewers gewaar, bel mnr. Vortsman by 076 280 2264.

• Die polisie het die gebreekte slot gevat om te kyk of hulle vingerafdrukke kan kry.

Lees meer nuus op die Middelburg Observer webwerf en gaan “Like” ook ons Facebook volg ons ook op  Twitter en Instagram