Gestremdes nie eers deur inbrekers ontsien
’n Verdagte is laasnag gearresteer nadat daar ingebreek is by die Huis vir Gestremdes, asook die bekende “Groen Huis”-bordeel in Meyerstraat.
“Waarmee gaan ons daardie motorhuisdeur vervang? Ons het eenvoudig nie R6 000 om nou ’n nuwe deur op te sit nie!” het me. Karen Loesch (bestuurder van die Huis vir Gestremdes) moedeloos gesê.
Voetspore vanaf die groen huis se kant af na die gestremde huis is ’n aanduiding dat die boswig vanaf die groen huis se kant af by die erf ingekom het.
Die booswig het die veiligheidshek en motorhuisdeur, wat dien as die gestremde huis se stoor, oopforseer.
Me. Loesch sê sy weet nog nie wat gesteel is nie, aangesien hulle wag vir die vingerafdruk-eenheid.
• Die polisie het gisteraand ’n verdagte by die groen huis gearresteer, nadat daar erge skade aangerig is om koperpype uit die krane te steel.
Dit is nog nie duidelik of hy positief verbind kan word met die inbraak by die gestremde huis se stoor nie.
Daar is aan www.mobserver.co.za gesê dat hy ’n Mosambieker is.
Hy sal later deur die dag in die hof verskyn.
