Nuuste inligting 12:00:

Daar is verneem dat ’n tuinman in die omgewing ’n dubbelkajuit bakkie met twee mans voor ’n huis in Longtomstraat sien stop het. Die mans het die motorhek van sy spoor af getel voor hulle die erf in is.

Kort daarna het hulle met die bussie uitgery gekom.

Die tuinier kon hoor hoe hulle vir mekaar sê “Let’s go! Let’s go!” voordat hulle wegjaag.

Nuusflits: Gewapende roof in Longtomstraat

Polisie is tans op die toneel en inligting rondom die voorval is skraps. Dit het om en by 10:30 gebeur.

Na wat verneem word het ’n inwoner in Longtomstraat niksvermoedend op rowers afgekom het terwyl hulle by sy buurman se huis besig was.

Die rowers het hom met vuurwapens gedreig en hom beveel om in sy huis in te gaan. Boewe het huisinhoud in ’n voertuig gelaai en gevlug.

’n Ford bussie met die registrasie nommer CYR 767 L asook ’n silwer Toyota dubbelkajuit bakkie word in verband met die voorval gesoek.

Die mans word as gewapen en gevaarlik beskryf. Indien jy die voertuig gewaar, rapporteer dit aan die polisie of Middelburg 911 of die GPF.