Grafiese Inhoud: Ouma beseer toe sy baba van gewiste dood red
Die Olivier gesin van Middelburg kort die gemeenskap se hulp.
Me. Ina Olivier, oumagrootjie van talle agterkleinkinders is Woensdag ernstig beseer toe sy haar jongste kleinkind van ‘n gewiste dood wou red.
Die hek by hul huis in St Helenastraat Dennesig het van die spoor afgeloop en amper op Adeline (2) geval.
Me. Olivier het egter die hek met haar been gekeer waarna die hek enorme weefselskade aan haar been veroorsaak het.
Sy moes in die huis in kruip om hulp te ontbied. Me. Olivier is Midmed toe gejaag waar die bloeding gestop is.
Sy het egter nie n mediese fonds nie en haar man Lukas het haar met sy motor na Steve Biko Hospitaal in Pretoria gehaas waar sy sedertdien onder sedasie gehou word.
Die gesin sal haar egter graag by Midmed wil laat behandel omdat daar steeds nie op haar geopereer is om die been te probeer red nie.
Daar is gelukkig geen breuke nie, maar die hoofslagaar na die voet is af. Die baba wat sy gered het is nie beseer nie.
Die gesin bedank graag vir dr. Theuns Botha vir sy hulp.
Samaritane wat die Oliviers finansieël kan help, kan inbetalings maak by die volgende rekening:
L.M.Olivier. FNB. Rek: 62035478959. Tak.210-408. Encore Tjek Rekening.
