(Grafiese inhoud) OPVOLG: Oumagrootjie uiteindelik geopereer na hek op haar val
Die wond aan me. Ina Olivier se been waar ’n skuifhek haar getref het, toe sy gepoog het om die ontspoorde hek van haar tweejarige agterkleindogter, Adeline (2), af te hou, is Dinsdag eindelaaste in die teater by Steve Biko Hospitaal behandel.
Die operasie het twee ure geduur en haar man, Lukas, sal tydens die 15:00 besoektyd meer uitvind oor die operasie en sukses daarvan.
Me. Olivier is omstreeks 07:00 die oggend saam met Adeline uit om die kleuter se ma, Adele, af te sien werk toe.
Toe die hek toegeskuif word, het dit van die spoor afgeloop en amper bo op die kleuter geval.
Me. Olivier het die reuse hek van meer as twee meter lank met haar been gekeer en is ernstig beseer.
Grafiese Inhoud: Ouma beseer toe sy baba van gewiste dood red
Midmed Hospitaal wou R25 000 hê om self te opereer die oggend, maar die gesin kon nie die geld so gou by mekaar kry nie en mnr. Olivier het haar toe met sy motor Pretoria toe gehaas, waar me. Olivier sedertdien behandel is.
Weens ander prioriteisgevalle kon hulle egter nie op haar opereer om die gapende wonde te heg nie.
Sy is egter vandag op die teaterlys geplaas.
