Mnr. Jacobus Booysen sê sy BMW (registrasienommer HVT030NW) het in die erf gestaan en toe hy vanoggend buite kom, was die voertuig skoonveld.

Hy vertel dat hy soms uitgaan as daar noodroepe is van die Kanonkop/Dennesig/Middedorp radiogroep.

Omstreeks 04:45 was daar ’n noodroep dat iemand gehelp moet word in Njalastraat.

“Ek is na buite om met my BMW te ry om te gaan help, maar toe ek daar kom, was die voertuig weg.”

Die booswigte het oor die hek geklouter, aan die binnekant die hekmotor buite aksie gestel, waarop hulle die hek oopgeskuif en die voertuig gesteel het.

Mnr. Booysen sê hy het geen idee hoe hulle die voertuig aan die gang gekry het of toegang gekry het tot die voertuig nie, want daar was geen glasstukkies dat hulle moontlik ’n venster kon gebreek het nie.

As enige persoon die voertuig opmerk, bel mnr. Booysen by 072 949 6688.