Die persoon het presies om 02:06 met ’n geweldige spoed die hek getref en die hele muur saamgesleep. Die afdak is ook beskadig.

Me. Mariaan Loedolff sê die persoon het egter daarna net eenvoudig in trurat uitgestoot en weggery.

Een van die buurmanne het by sy venster uitgeloer en gesien dat ’n metaalblou Fortuner by die erf uitstoot.

Me. Cornelia Noortman sê sy was omtrent daardie tyd ook op, aangesien sy pille vir hoofpyn gedrink het. Sy het die slag gehoor en by haar venster uitgeloer, maar kon net die truratligte van die voertuig sien en is daarna met die ander ligte verblind.

Me. Loedolff is uiters omgekrap, want sê buiten die skade van sowat R100 000, het haar man, Nico, ook geweldig geskrik en hartkloppings gehad. Mnr. Loedolff het verlede jaar ’n hartoperasie ondergaan en vroeër vanjaar ’n pasaangeër ook gekry.

Die voertuig moet beslis skade hê en enige persoon met inligting kan me. Loedolff bel by 071 463 0842.