Mnr. Carel du Preez (50) het sedert die aanval op die N4 naby die The Rose tolhek gesukkel om ’n saak te open, nadat hy aanvanklik op Middelburg weggewys is en aangesê is om ’n saak te gaan open by die naaste polisiestasie waar dit gebeur het.

Daar is na alle waarskynlikheid iets skerp op die pad gegooi, waarna sy wiel gebars en hy deur ses rowers in sy bakkie oorval is.

Hy is onder andere met pangas gekap, aangerand en die booswigte het ook bo-op hom gestaan.

Wees gewaarsku: Rowers wag langs N4

Mnr. Du Preez se neus en verskeie ribbes is gebreek en hy het kapwonde op sy een arm en beide bene opgedoen.

• Vroeg hierdie week het die Middelburg Polisie hom gehelp om ’n saak te open.

Mnr. Du Preez wil graag die Observer, asook die polisielede bedank wat hulle hierdie week bygestaan het om ’n poging tot moord en diefstalsaak te kon open.