Die klub is na alle waarskynlikheid onder finansiële druk omdat hulle na wat verneem word nie hul verpligtinge aan die Suid-Afrikaanse Inkomstediens nagekom het nie en stewige boetes van honderde duisende rande in die gesig staar.

Alhoewel die klub steeds operasioneel is, is daar klaarblyklik geen vliegtuie beskikbaar om hulle te help nie, omdat hulle nie hul verpligtinge nagekom het nie.

Hulle het ’n versoek ingedien om verlede maand na die Middelburg Vliegveld te skuif, wat aanvanklik deur die Middelburg Aero Club-raad goedgekeur is, maar die lede het teen die skuif gestem.

“Die versoek is afgekeur weens verskeie tegniese sake, wat wissel van kantore en geriewe, die deel van die lugruim wat ’n onveilige situasie kon veroorsaak en finansiële implikasies,” het ‘n lid van die Middelburg Aero Club gesê.

Al die komiteelede van die Valskermklub het intussen bedank en kan die klub nie behoorlik funksioneer alvorens hulle nie ’n nuwe komitee verkies en hul verpligtinge aan SAID nagekom het nie.

Dit is weens hierdie redes dat hulle ook hul vertoning by die Buiteleweskou gekanselleer het.