Die trok het gebots op die plek waar ’n ander trok, wat sulfaatsuur vervoer het, ’n paar weke gelede omgeslaan het.

’n Reuse skoonmaakoperasie is van stapel gestuur om die kunsmis van die toneel af te verwyder.

Die botsing het, volgens getuies op die toneel, glo omstreeks 01:00 vanmore plaasgevind.

Die drywer van die trok het uit die kajuit gespring toe die trok met hom weghol poort af.

Die trok is reguit teen een van die betonversperrings in die aankomende verkeer vas.

Die drywer is hospitaal toe vervoer, maar het nie ernstige beserings opgedoen nie.

• Daar was ook ’n geringe botsing op die Van Dyksdrift-oprit op die N4 om 05:30 vanmore.

Twee trokke het teen mekaar gebots nadat een van die trokke glo nie gestop het by die Vandyskdrift interseksie nie.

Niemand is beseer nie.