Hond gryp kind aan kop
’n Kolliehond het Sondag ’n sewejarige seuntjie met sy poot op die grond vasgedruk en aan sy kop beetgekry.
Die kind se pa (wat gevra het dat hulle anoniem bly) sê hulle het sowat drie maande gelede die kolliehond by iemand as waghond gekry, nadat booswigte al ’n paar keer in hul erf in Blesbokstraat (Kanonkop) betrap is.
Die pa vertel dat die hond die kind omgespring, hom vasgedruk het met sy poot teen die grond en hom daarna agter aan die kop beetgekry het.
Hulle het met die seuntjie na die Life Midmed Hospitaal gejaag, waar vyf groot wonde aan die agterkant van sy kop met steke geheg moes word. Hy het ook krapwonde op sy ruggie gehad waar die hond hom met die poot vasgepen het.
Volgens die pa het hulle geen idee waarom die hond so opgetree het nie. “Kolliehonde is oor die algemeen mos vriendelike honde. Ek kan nie glo hy het dit gedoen nie. Ek vermoed maar daar was ’n teef in die omgewing op hitte en dat die hond knorrig was met die ander honde voor op die erf. My seuntjie was net op die verkeerde oomblik daar.”
•Die hond is aan die Dierebeskermingsvereniging oorhandig, wat die dier sal uitsit.
Lees ook:
Video: Opruimingswerk begin na drie damwalle breek weens wolkbreuk
Annica van Staden slagoffers verloor duisende
VIDEO: Seekoei kuier op Elandslaagte
Soek jy nuus op ’n drafstap?
Stoor ons bystand nommer (072 248 3855) en stuur ons ‘n Whatsapp boodskap met die woorde “Add me” om deel te word van ons uitsaailys.
“Like” ons op Facebook, of volg ons op Twitter en Instagram.
Volg ons YouTube kanaal.
Kliek op die skakel om te registreer om ons nuusbrief met die jongste nuus per e-pos te kry
Het julle vir ons ’n storie?
Kontak die redaksie op ons 24 uur bystandnommer 072 248 3855, of stuur ‘n e-pos aan ons redakteur tobie@mobserver.co.za
