Claudia van der Merwe (7), het besluit om kreatief te raak tydens die afsondering, en hoewel mamma en pappa nie daarvan hou as ons op hulle mure verf nie, het Claudia haar ouers se toestemming gekry om op hulle huis se vensters te verf!

Claudia maak gebruik van gewone waterverf, wat maklik afwas. Daarmee, verf sy die mooiste boodskappies op hulle huisvensters, sodat die hele wêreld dit kan sien.

Claudia daag al haar maatjies uit, om met hulle ouers se toestemming, die selfde te doen. Claudia wil bewusmaking skep onder inwoners, dat ons die lelike koronavirus kan bekamp, deur by die huis te bly.

Dit maak ook nie saak wat jy verf of waarop jy verf nie, maar as jy lekker prentjies teken of verf, deel graag jou foto’s met ons, en dan plaas ons dit op ons webwerf by www.mobserver.co.za.

Stuur foto’s van jou kunswerk per e-pos na sjani@mobserver.co.za.