Chariots of Fire weerklink in tuine
Daar was geen waterpunte elke drie kilometer met Coke, lemoene en sjokolade nie, geen aanmoediging van honderde waterpunt helpers nie...maar dit het lede van Middelburg Marathonklub nie gekeer om Saterdag die Loskop Marathon te “voltooi” nie.
Daar is om huise gedraf, op ’n trapmeule en die wat gelukkig was het plaaspaaie aangedurf. Frank Wessels het sy 34 ste Loskop nie-amptelik voltooi.
Daar was ook klublede, of inmates soos hulle na hulself verwys, wat die Wild Challenge halfmarathon voltooi het. Hulle was gelukkig om nie die berugte Giraffes Neck raak te draf nie, maar sê hulle verkies om teen ’n kameelperd se nek uit te stoom, as om ure op ’n trapmeule te sit en trap.
Families het meegedoen en lemoenskyfies en water aangegee, terwyl Chariots of Fire in tuine weerklink het.
Meneer Loskop, Hein Koch, het in ’n stemposboodskap gesê hy is hoogs beïndruk deur klublede se gees. Sy skoonseun, Deon Meiring, het sy vierde Loskop nie-amptelik klaargemaak.
Die eensaamste toeskouer Saterdag was sekerlik Forever Loskopdam se algemene bestuurder, Monica van der Linde, wat op ’n grafstil oord gesit het, waar daar hierdie tyd van die jaar duisende mense saamgetrek is.
Wat seker is, is dat daar ’n groot klomp drafverslaafdes is wat soos ’n wilde dier wat vrygelaat word, die strate gaan invaar, sodra die inperking verby is.
Loskop Lockdown Race Middelburg Marathon Klub uitslae:
50 km
Frank Wessels.
21.1km
Paulos Leshaba, Nomsa Potwana, Chanel Steinmann, Elsa van Wyk, Cobus Fourie, Wouter du Preez, Estelle Wessels, Ross Lesser, Louise Lesser, Joarita Olivier, Ignus Gouws, Kobus Olivier, Christa de Beer, Charmaine van der Merwe, Clinton Neyt, Piet Schoeman, Lisa Naude, Rebone Modikwa, Mandla Mahlangu, Desmond Jelliman, Piet Swanepoel, Hannes Scheepers, Ingrid Scheepers, Raymond van Rooyen, Jason Ross, Lynn van Rooyen, Ernst van den Berg, Zander Claassens, Nadia Claassens, Magda Pretorius.
Aflos = 21.1km
Conrad Stoltz 8km, Cherina du Toit 7km
Hein Koch 8km, Michelle du Toit 7km
Aletta Koch 5km, Millizane du Toit 7km
Loretta Power 11km, Jean Malan 16km
Rory Power 11km, Narkeeb Malan 5km
4.9km Rhino run
Riaan Pretorius, Motlatsi Moroke, Analize de Klerk, Annerie Scheepers, Sarita Scheepers, Barend Scheepers, Annemarie Mostert, Zander Malan, Elsabe Lombard, Danika Malan, Albert Claassens, Frikkie van der Merwe, Wendy Dippenaar het 44km gedoen en Kobus Dippenaar het onbepaald, sonder horlosie gedraf.
