Die boewe het weggekom maar hul buit in bosse agter gelaat, waar Titon Security dit herwin het.

Drie verdagtes is opgemerk waar hulle die perseel betree het en alarm is gemaak.

Luitenant Chris van der Walt, operasionale bestuurder van Titon, is uit na die perseel waar die gesteelde goedere binne 30 minute se ondersoek in bosse opgespoor is.

Stokke is deur die drie diewe gebruik om lyndrade te lig, waar hulle met die buit deur is.

Die goedere is aan die maatskappy se sekuriteitsbestuurder oorhandig.

Terwyl die diefstal afgespeel het, het die Sektor 3 en 4 radiogroepe massapatrollie saam met die polisie, GPF en Afriforum Buurtwag, gery.

Polisielede op patrollie het binne vier minute op die klag wat deur Titon deurgegee is, gereageer.

Die verdagtes kon nie opgespoor word nie, ten spyte van ’n wye soektog.

Die maatskappy wou nie geïndentifiseer word nie.