Honde vergiftig, vierwiel gesteel in Dennesig
’n Vierwiel Yamaha Raptor 350 is Sondag vroegoggend by ’n huis in Steve Bikostraat gesteel, vermoedelik deur die selfde booswigte wat ook honde vergiftig het.
Mnr. Marius Jordaan vertel dat die groep van vier mans, vir net onder ’n uur in sy erf geskuil het, nadat hulle die slot op sy hekmotor afgebreek het.
Mnr. Jordaan kon op videomateriaal, wat hy van bure af gekry het, sien hoe die groep sy hek oopstoot om 01:50. Hulle het vir ongeveer ’n driekwartuur in sy erf weggekruip, en is eers weer om 02:08 gesien, toe hulle na die drie motorfietse gesluip het.
Hy het sy susters vir die naweek onthaal, en die diewe is verby al die voertuie en sy boot, om die ketting waarmee die drie motorfietse aan mekaar vasgesluit was te knip en het hulle toegespits op die duurder een van die drie. Hulle het om 03:08 die motorfiets uitgestoot.
Mnr. Jordaan vertel dat daar verlede week Woensdag, drie huise van hom af, honde vergiftig is, en vermoed dat die selfde booswigte sy motorfiets gesteel het.
Die videomateriaal wys hoe ’n wit, enkelkajuit Mahindra met ’n kap op, in die straat rondgery het tydens die diefstal. Nadat die diewe sy motorfiets uitgestoot het in die rigting van Laerskool Dennesig, is die Mahindra agterna. 
Sy Yamaha Raptor se enjin is onlangs oorgedoen vir R18 000, en het ook splinternuwe bande op.
Die motorfiets se enjinnommer is 11318E-0480 en sy vinnommer JY4AH12W260016842.
Hy vra indien iemand opmerk dat hulle die motorfiets verkoop, om hom te kontak by 082 493 8190.
