Oud burgemeester sterf weens Covid, vrou ernstig siek
Die saggeaarde oud-burgemeester van Middelburg, Johann Grobler (74), is op 9 Junie aan Covid-19 verwante nagevolge oorlede.
Sy vrou, Mariska, is Saterdag in die Life Midmed Hospitaal opgeneem en word tans in die intensiewe eenheid behandel.
Mnr. Grobler se dogter, Nicolene, sê haar pa het twee weke voor sy dood skielik swak en deurmekaar geraak.
Omdat hy al lank nierprobleme het, is hy direk na die Urologie Hospitaal geneem, waar sy spesialis is.
“Hy het géén Covid-19 simptome gehad nie, maar toe hulle hom toets, het hy positief getoets.”
Hy is in die intensiewe eenheid opgeneem en is op 9 Junie daar oorlede. Nicolene sê sy kon so ’n paar dae voor sy dood darem haar pa vir 15 minute gaan besoek.
“Die mense moet besef Covid is ’n realiteit en daar is wel 93% mense wat gesond word, maar die ou mense en dié wat swak gesondheid het, gaan dit nie maak nie.”
Weens haar pa se nierprobleme het hulle so min as moontlik uit die huis uit gegaan. “Hy het dialise toe gegaan en huis toe.”
Mnr. Grobler was wel so week voor hy opgeneem is saam met sy vrou na die Middelburg Mall en bank toe.
“Iemand se agterlosigheid het my pa se lewe gekos. En hoeveel ander siek gemaak in die dorp!”
Sy het haar pa beskryf as “’n groot man met ’n teddiebeerhart en ’n stoute terggees.”
• Mnr. Grobler was vir jare burgemeester op Middelburg en ook ’n bekende sakeman. Vele sal hom onthou as mede-eienaar van Biltong en Braai.
Sy vervoermaatskappy, Ossewa Karweiers, word tans deur sy dogter, Lizelle, bestuur.
Mnr. Grobler word oorleef deur sy kinders, Jacques, Lizlle en Nicolene, skoonkinders, Denise, Deon en Juan, sewe kleinkinders, een agterkleinkind, stiefkinders Melanie en Lizelle, hul mans, John en Andre en vier kinders.
•’n Diens om sy lewe te vier word Donderdag (17 Junie) om 11:00 uit die APKerk in Flamingostraat (Kanonkop) gehou.
Die skakel vir die diens virtueel te volg, sal op die kinders se Facebookblaaie beskikbaar wees.
Do you have a news lead?
Contact our editorial office on 013 243 1434 or our standby number for emergencies on 072 248 3855 to share your story with us. Follow us on the Middelburg Observer Facebook group or page or send a WhatsApp to 072 248 3855 with the words “add me” for the latest news.
Notice: Coronavirus reporting at Caxton Local Media aims to combat fake news
Dear reader,
As your local news provider, we have the duty of keeping you factually informed on Covid-19 developments. As you may have noticed, mis- and disinformation (also known as “fake news”) is circulating online. Caxton Local Media is determined to filter through the masses of information doing the rounds and to separate truth from untruth in order to keep you adequately informed. Local newsrooms follow a strict pre-publication fact-checking protocol. A national task team has been established to assist in bringing you credible news reports on Covid-19. Readers with any comments or queries may contact National Group Editor Irma Green (irma@caxton.co.za) or Legal Adviser Helene Eloff (helene@caxton.co.za).
