Volgens WhatsApp boodskappe het die dokter van Pretoria tot Middelburg vir verkeersbeamptes weggejaag, nadat hulle hom wou aftrek. Die dokter het onder hulle uit gejaag, tot by Life Midmed Hospitaal, waar verkeersmanne vir hom by sy motor in die dokters se parkeerarea wag. Boodskappe wat aan www.mobserver.co.za gestuur is deur verskeie bronne, het die dokter geïdentifiseer, maar sy naam word weerhou, omdat hy nie vir kommentaar bereik kon word nie. Omstanders in die parkeerterrein het die verkeersmanne se teenwoordigheid bevestig Toe ’n afdeling by die hospitaal geskakel is, is gesê dat die dokter ’n “pasiënt” daar is. Dit is onbekend waarvoor verkeer die dokter probeer aftrek het.