Covid eis “mooiste vrou in Middelburg”
Susie Nel (70) het ’n vertrek opgehelder wanneer sy daar ingestap het en nou het die wrede Covid-19 virus ook haar lewe kom eis.
’n Mens se hart ruk as jy dink hoeveeld mense wat jy geken het, deur die virus weggeruk is. Vanoggend was weer so ’n oggend, want ek en soveel ander het vir Susie geken. Susie wat so lekker luidrugtig kon lag, so maklik kon gesels, wat jou dag kon opvrolik.
“Ma het haarself altyd die ‘mooiste vrou in Middelburg’ genoem as sy haar lipstiffie opgesit en haar hare gedoen het…” En dit is wat sy was, want haar aansteeklike lag het almal beter laat voel.
Haar dogter, Suzette, vertel dat sy al ’n paar jaar met haar longe sukkel en so twee weke gelede verkouerig was.
Teen verlede Dinsdag het hulle haar dokter toe geneem en is medikasie vir haar longe voorgeskryf. Woensdag het hulle besluit om haar vir die virus te laat toets en die toets het Donderdag positief teruggekom.
“Van daar af het sy net agteruit gegaan.”
Sondag (gister) kon sy nie meer sluk nie en wou sy aanvanklik nie hospitaal toe gaan nie.
’n Bietjie later het sy egter ingestem dat ’n ambulans haar kan kom haal en sy is in die Middelburg Hospitaal opgeneem, “Gisteraand het hulle nog gesê sy lyk bietjie beter en vanoggend om 04:50 is sy oorlede.”
Suzette praat met lof van hul broer, Kobus, wat so mooi na hul ouers gekyk het.
“Hy het pa Dries versorg tot met sy dood in November 2019 en dis ook hy wat tot op die einde vir Ma versorg het.”
Sy het hartseer gesê dat hul ma op Kobus se verjaardag oorlede is.
Die kinders en kleinkinders glo nie daar is genoeg mooi woorde om hul ma te beskryf nie.
“Sy wás Middelburg se mooiste vrou en is nou die mooiste vrou in die hemel.”
Hulle onthou haar as iemand “wat altyd gereed was met ’n grappie. Sy het altyd geglimlag, al het dit soms nie goed gegaan het. Sy wou almal help en om haar gelukkig maak.”
Me. Nel was vir jare betrokke by die Lenata VLU en was vir meer as 30 jaar ’n konsultant wat Annique produkte verkoop het.
Sy word oorleef deur haar kinders, Marius, Willie, Kobus en Suzette, twee skoondogters, ’n skoonseun, 13 kleinkinders, een agterkleinkind (nog een is op pad), susters en broers Elize (haar tweelingsussie), Pheorita, Max, Johan en Roy, familie en vriende.
•Sodra die begrafnisreëlings bekend is, sal dit op www.mobserver.co.za se blad bekend gemaak word. Die familie het bevestig dat die diens ook aanlyn gevolg sal kan word.
Do you have a news lead?
Contact our editorial office on 013 243 1434, send an email to our newsroom or contact our standby number 072 248 3855 to share your story with us. Follow us on the Middelburg Observer Facebook page or join our WhatsApp group for the latest news.
Notice: Coronavirus reporting at Caxton Local Media aims to combat fake news
Dear reader,
As your local news provider, we have the duty of keeping you factually informed on Covid-19 developments. As you may have noticed, mis- and disinformation (also known as “fake news”) is circulating online.
Caxton Local Media is determined to filter through the masses of information doing the rounds and to separate truth from untruth in order to keep you adequately informed. Local newsrooms follow a strict pre-publication fact-checking protocol.
A national task team has been established to assist in bringing you credible news reports on Covid-19. Readers with any comments or queries may contact National Group Editor Irma Green (irma@caxton.co.za) or Legal Adviser Helene Eloff (helene@caxton.co.za).
