Hondjie met tou om nek oor pad gesleep
Inwoners het gistermiddag ’n man gekonfronteer wat ’n klein hondjie met ’n tou om sy nek oor Cowen Ntulistraat gesleep het.
Juanita Groenewald sê dat sy net voor 17:00 met Cowen Ntulistraat op pad Gholfsig toe gery het, toe sy sien hoe ’n man oor die pad loop. Hy het ’n boks gedra en iets oor die pad gesleep.
Die motor voor haar het gestop en sy kon sien dat die vrou baie ontsteld was. Sy het die man wat vroeër oor die pad geloop het, gekonfronteer oor iets. Me. Groenewald het ook gestop.
Die man het ’n boks met hoenders by hom gehad en ’n klein hondjie met ’n tou wat styf om sy nek vasgemaak was, agter hom aangesleep. Hy het beweer dat iemand by ’n kompleks die hondjie vir hom gegee het en wou hom nie aan die vroue oorhandig nie.
Me. Groenewald wou by hom weet watter nommer in die kompleks maar die man het ontwykende antwoorde gegee en skielik begin hardloop.
Me. Groenewald het hom agterna gesit en kon hom vaskeer by Amora Voëlpark waar sy die hondjie by hom gegryp het.
“Hy het gelukkig weggehardloop en nie weer probeer om die hondjie by my te kry nie,” sê me. Groenewald.
Sy het die hondjie huistoe gevat.
Die tou om sy nek was so styf vasgebind dat hulle dit met ’n skêr moes afsny. Die arme diertjie was baie dors en honger en verskrik.
“Toe hy klaar geeët het, het hy voor my kom sit en vir my sy poot gegee, so asof hy wou dankie sê.”
Me. Groenewald sê dat die hondjie stroopsoet onder ’n kombers geslaap het deur die nag. Sy is oortuig dat die hondjie mense en ’n huis gewoond is en vermoed dat hy dalk êrens gesteel is.
Indien dit iemand se hondjie is kan hulle haar bel by 072 386 9949.
Do you have a news lead?
Contact our editorial office on 013 243 1434, send an email to our newsroom or contact our standby number 072 248 3855 to share your story with us. Follow us on the Middelburg Observer Facebook page or join our WhatsApp group for the latest news.
Notice: Coronavirus reporting at Caxton Local Media aims to combat fake news
Dear reader,
As your local news provider, we have the duty of keeping you factually informed on Covid-19 developments. As you may have noticed, mis- and disinformation (also known as “fake news”) is circulating online.
Caxton Local Media is determined to filter through the masses of information doing the rounds and to separate truth from untruth in order to keep you adequately informed. Local newsrooms follow a strict pre-publication fact-checking protocol.
A national task team has been established to assist in bringing you credible news reports on Covid-19. Readers with any comments or queries may contact National Group Editor Irma Green (irma@caxton.co.za) or Legal Adviser Helene Eloff (helene@caxton.co.za).
