Daar is nog net ’n paar dae oor (tot 30 Julie) om te help dat Jacqui die Sponsors of Brave-kompetisie kan wen. Middelburgers het gewys hulle kan saamstaan toe hulle met hul stemme gehelp het dat ons die Kwêla, Dorp van die Jaar was in 2015.

Sy is genomineer vir die Sponsors of Brave-toekenning as gevolg na haar en haar personeel se besondere dienslewering, selfs in moeilike omstandighede.

Die Clubville Apteek het in April afgebrand, maar nie eers dit het hulle ondergekry nie en hulle was die volgende dag weer op hul pos onder ’n gazebo.

Me. Clapton het gesê hul deelname is in herinnering aan dr. Cecil Keys, wat verlede jaar oorlede is.

•Sou me. Clapton wen, is daar R25 000 op die spel, wat aan Bethesda, Huis van Hoop, geskenk sal word. Sy vra dat ons dorp sal stem sodat hierdie spesiale sentrum vir gestremde kinders, gehelp kan word.

•Om vir haar te stem, gaan in op die skakel en druk op die hartjie: https://partners.24.com/SponsorsofBrave/Jacqui-Clapton/index.html