Rotvretende slang laat skoolkinders vlug
Leerlinge het gillend weggehol toe ’n bruin huisslang ’n reuse rot gevang het by hul skool.
Victor en Karin Boshoff is vanoggend na die Rockdale Secondary School ontbied nadat ’n slag konsternasie by die skool veroorsaak het.
Mnr. Boshoff (voorsitter, Middelburg Herpetologiese Vereniging) sê met hul aankoms by die skool het hulle gemerk dat die slang ’n rot doodgemaak het.
“Ek vermoed die slang het die rot doodgebyt en probeer insluk, maar dat iemand hom met ’n stok geslaan en hy toe die rot gelos het. Daar was bloed in die slang se bek.”
Mnr. Boshoff het gesê dat die rot in elk geval te groot was vir dié meterlange skadelose bruin huisslang. Slange hiberneer eintlik nou nog, maar mnr. Boshoff sê die paar warm dae en klammigheid in die lug, laat slange uitkom, omdat hulle vermoedelik dink dit is Lente.
Hy meld dat slange eers na die eerste Lentereëns en warmer dae uitkom.
Mnr. Boshoff glo die slang het net uitgekom om iets te vang om te eet en sou dan weer teruggaan na sy skuilplek.
Alhoewel hy probeer het om vir die leerlinge te sê dat die slang skadeloos is en hulle maar nader kan kom, het hulle net gegil en weggehardloop. Hy waardeer dit egter dat die skool hom gekontak het om die slang te verwyder en dat hulle nie die slang doodgemaak het nie.
•“Die slang is nou lekker toegewikkel in ’n kombers in ’n slanghok by my huis. Sodra die eerste Lentereëns begin, sal ons hom loslaat.”
Hy noem dat hulle op ’n gereelde basis skadelose slange, wat as onwelkome besoekers by huise en besighede gevang word, vir boere skenk.
“Die slange hou die rot- en muisplae uit hul store. Dit dien sommer as sekuriteit ook,” het hy laggend bygevoeg.
Do you have a news lead?
Contact our editorial office on 013 243 1434, send an email to our newsroom or contact our standby number 072 248 3855 to share your story with us. Follow us on the Middelburg Observer Facebook page or join our WhatsApp group for the latest news.
Notice: Coronavirus reporting at Caxton Local Media aims to combat fake news
Dear reader,
As your local news provider, we have the duty of keeping you factually informed on Covid-19 developments. As you may have noticed, mis- and disinformation (also known as “fake news”) is circulating online.
Caxton Local Media is determined to filter through the masses of information doing the rounds and to separate truth from untruth in order to keep you adequately informed. Local newsrooms follow a strict pre-publication fact-checking protocol.
A national task team has been established to assist in bringing you credible news reports on Covid-19. Readers with any comments or queries may contact National Group Editor Irma Green (irma@caxton.co.za) or Legal Adviser Helene Eloff (helene@caxton.co.za).
