Simoné het met tranerige oë die hof binne gestap.

Haar mede beskuldigde, Patricia Ray-Lee Smith, se regsverteenwoordiger het aansoek gedoen dat haar kliënt vir hofverrigtinge verskoon word.

Die hof het haar aansoek toegestaan.

Smith is reeds op borg vrygelaat.

Papapavlou, wat haarself verlede week aan die polisie in Groblersdal oorhandig het, se borgaansoek word vandag aangehoor.

Smith word aangekla van sameswering tot moord terwyl Papapavlou bykomende klagtes van poging tot moord, moord, regsverydeling en die onwettige besit van ’n vuurwapen en ammunisie in die gesig staar.

Die klagtes volg na die moord op Raymond Papapavlou in Oktober 2020.