Werner en Maryna Malan, wat met “Lofprysing in Lockdown” al van verlede jaar af met musiek bemoediging vir mense bring, het gevra dat mense vanaand weer om 18:00 by die Witkerk byeen kom.

In ’n boodskap wat wyd gedeel word, sê hulle: “Ons gaan steeds voort met die beplande Lofprysing en gebed. Haar ouers en familie het nou ons gebede nodig!” Persone wat dit nie kan bywoon nie, kan dit virtueel volg op hul Facebookblad.

“Dis tyd dat ons begin saam staan in gebed! Begin opstaan vir Jesus! Ons almal wil genesing en verandering sien, maar net ’n handjie vol bid. Die Bybel sê: ‘waar twee of meer in My naam vergader, daar is Ek.’ Dis tyd dat die duiwel moet sien ons vrees hom en sy aaklige siekte nie! Ons krag lê by Jesus.”