Op die Facebookblad, Middelburg Covid Pasiënte, is daar laat verlede week gevra dat daar gebid moet word vir baba Eon, wat in die Trichardt Mediclinic opgeneem is.

Sy ma, Jeanine, is Donderdag saam met hom opgeneem om haar seuntjie te ondersteun. Buiten Eon wat erg gehoes het, was me. Maree self ook baie siek oor die naweek en het kort kort ’n baie hoë koors gehad.

Sy het vanoggend gesê dat sy bietjie beter voel en dat Eon kan huistoe gaan, as hy vir 24 uur sonder die suurstofmasjien sal kan klaarkom.

“Hulle het gister en vanoggend probeer, maar hy kom nog nie reg nie.”

•Me. Maree se man, Hein, en dogtertjie, Chanine, veg tuis teen die virus. “Hein voel nog sleg.”

•Chanine was in Desembermaand vir etlike dae in dié hospitaal behandel toe sy ook ernstig siek was weens die Covid-19 virus.

•Me. Maree het Vrydag gehoor dat nog drie babas in die hospitaal deur die dag opgeneem is weens die virus. Aldrie is gelukkig reeds ontslaan.