Kaptein Johan Grobler (Duikpunt Bevelvoerder in die Nkangala Streek) word tans in die Cosmos Hospitaal behandel.

Na wat verneem word is sy toestand stabiel en is nie een van die beserings wat hy opgedoen het lewensbedreigend nie.

Daar word verneem dat hy omstreeks 15:00 op die N4 naby eMalahleni gekaap is en daar op hom toegesak is.

Volgens betroubare inligting het hy self uit die hospitaal uit laat weet dat hy net vir waarneming vir die nag in die hospitaal gehou word.

Daar sal vanaand X-strale geneem word om te bepaal waar die patroonpunt in sy been is.

Hy het klaarblyklik erg teen die aanvallers baklei, waarna hy geskiet en in die rug gesteek is. ‘n Diep sny op sy oor, waar hy met ‘n panga gekap is, is reeds met steke geheg.

Www.mobserver.co.za het nog nie met kapt. Grobler gepraat nie en die formele inligting is nog nie deur die polisie se mediakantoor bevestig nie.

Dit is egter ‘n feit dat hy wel in die Cosmos Hospitaal vir sy beserings behandel word.