Kapt. Johan Grobler (Duikpunt Bevelvoerder, Nkangala Streek) het teruggeveg teen die drie kapers in ’n bos naby Vosman en kon gelukkig wegkom en hulp ontbied.

Die koeëlpunt kon aanvanklik nie uit sy been verwyder word nie, omdat dit op ’n gevaarlike plek by ’n slagaar was. Dit het egter intussen geskuif en kon veilig verwyder word.

Lees ook: Polisieman wat gekaap is: ‘Ek voel soos Chuck Norris’

Hy word steeds in die Cosmos Hospitaal (eMalahleni) behandel.

•Buiten die skiet- en meswond, het hy ook blou merke op sy hande opgedoen in die geveg teen die kapers.

Een van hulle het hom ook met die platkant van ’n panga oor die kop probeer slaan, maar hy het sy kop gedraai en sy bril het die meeste impak van die hou gevat.