Mnr. Jean Houy (Middelburg Herpetologiese Vereniging) sê ’n groep toeriste vanaf die Kaap, wat gekuier het by mense in Kranspoortdorp, het hom kort na 20:00 gebel om die Mosambiekse spoegkobra te vang.

Met sy aankoms, het hulle hom gewys waar die slang agter ’n paraffienlampie op die stoep weggekruip het.

“Ek het hom net met die vangstok effens geskuif, waarop hy dadelik in die donkerte van die vangpyp ingeseil het.”

•Die Mosambiekse spoegkobra is ’n giftige slang en sy gif is neuro- en sitotoksies. In sowat 70% gevalle moet mense veloorplantings kry na dié slang se byt.