“Hulle het uit die staanspoor verdag gelyk en ek het vir hulle gesê ek dink nie dit is hulle pylgewere nie. Hulle het egter voet by stuk gehou dat dit hulle pylgewere is. Ek het egter geweier om dit te koop, omdat ek vermoed het dit is gesteelde artikels,” het mnr. Braam Lee (Middelburg Pandwinkel) Donderdag gesê.

Mnr. Franswa Arthur van Rooyen is net mooi keelvol, want die pylgewere wat die twee probeer verkoop het, is verlede Maandag deur die loop van die dag van sy boot af gesteel in De Villiersstraat.

’n Dag later is sy motorhuis oopgebreek en is duisende rande se tuingereedskap, asook ’n hoekslyper gesteel.

Woensdag deur die dag het die booswigte weer oor die muur geklim en ’n veiligheidsdeur probeer oopbreek.

Hy vra dat as enige persoon die twee persone herken op die foto, om hom te bel by 071 485 0790.