Noodgroepe en die polisie het vanoggend rondgery om kwaaddoeners te probeer vastrek.

Langs die Klein Olifantsrivier is een van die splinternuwe groot asblikke tot op die grond afgebrand. Met die joernalis se aankoms daar, het dit nog gesmeul.

Net ‘n entjie verder is ‘n pompstasie oopgebreek en die kabels uitgeruk. Daar is ook kabels tussen lamppale afgesny.

*Van Vrydag af was dit ‘n hartseer gesig om deur die dorp te ry.

Buiten vullis wat by die gewilde piekniekareas langs die Klein Olifantsriier ophoop, loop asblikke oral oor by besighede.

Inwoners in Proteastraat het moedeloos gewys hoe rou riool al vir drie dae uit ‘n pyp langs hul huis uit loop en dit nog nie herstel is nie.

“Wat het van ons dorp geword? Dit is so hartseer.”