Die sperdatum vir stemme vir elke week se bruide is die daaropvolgende Vrydag om 12:00 nadat die bruid se foto in die koerant verskyn het.

Chanè se foto het verlede Donderdag verskyn en Middelburgers moet onthou om so gou as moontlik (voor Vrydag 12:00) vir haar te stem.

Daar is drie maniere om te stem:

•Met proses een, waar daar per SMS gestem word (SMS tel as een stem), werk dit as volg. SMS: Bruide, Chanè Venters (Middelburg se bruid), Piet Pompies (jou naam en van), Middelburg (dorp waar jy woon), klitsgras3@gmail.com (jou e-posadres) na 35986.

•Met proses twee tel elke stem vyf punte:

Ekstra koerante vir stemme van ’n bruid kan op ’n Donderdag van publisering of die Vrydag ná publisering by Tanya Kleynhans aangekoop word (tanya.kleynhans@ media24.com). Beeld sal die koerante aan sy Beeld in Onderwys-skoleprojek skenk.

•Met proses drie, wat ook vyf punte tel, word jou gunsteling bruid (natuurlik Chanè) se foto uit die koerant geknip (slegs oorspronklike uitknipsels). Plak dit op ’n A4-bladsy, voeg jou adres en telefoonnommers by en koerier dit na: Bruid van die Jaar, Kingswaylaan 69, Mediapark, Auckland Park 2006.

Stemme kan ook in ’n koevert by Beeld se kantoor in Johannesburg afgelewer word: Ontvangs, Kingswaylaan 69, Mediapark, Auckland Park 2006.