Volgens ’n ooggetuie (wat anoniem wil bly) het die ouers en kinders in Strelitziastraat (Kanonkop, agter die melkery) net na 11:00 verby gestap nadat die kinders eksamen geskryf het.

“Daar het drie mans gesit. Twee van hulle het teen die muur van die melkery gesit/lê en skielik spuitnaalde uitgehaal en daar ten aanskoue van die ouers en kinders hulself gespuit. Hulle het glad nie omgegee dat almal hulle sien nie!”

Nadat van die mense hulle gekonfronteer het, het hulle doodluiters weggestap.

Dit gebeur al meer dat dwelmverslaafdes op die dorp oop en bloot in die straat voor die publiek spuit.