Die voorval het kort na 16:00 op die hoek van Helen Joseph en Colleystraat (Dennesig) plaasgevind.

Volgens die boodskap wat op noodgroepe rondgestuur is, het die groep hom oorval, met die panga gedreig en sy selfoon en beursie geroof.

Minute later het ‘n vrou op dieselfde groep laat weet dat drie mans, wat die beskrywing pas, voor haar huis verby geloop het in Helen Josephstraat.

Een van hulle het ‘n lang ding, wat moontlik die panga kan wees, rondgeswaai.

Lede van onder andere die Noodroep Radiogroep Sektor 3 het soontoe gejaag, maar die rowers was reeds skoonveld.

Twee van die mans het swart hemde gedra, een het ‘n rugsak by hom gehad en twee het ook swart hoedjies opgehad.

*Kort daarna het ‘n vrou laat weet dat daar vanoggend in die vroeë oggendure ook honde in Harry Gwala vergiftig is

*Die rooftog volg net etlike weke nadat ‘n jong man in Njalastraat teen skemerdonker ontvoer is.

Sy aanvallers het hom met ‘n wapen oor die kop geslaan en later in Mhluzi afgelaai. Daar is vir hom gesê hy moet hardloop, hulle gaan hom skiet.

Hy het die nag ingehardloop en is deur vroue gehelp wat hom Mhluzi polisiestasie toe gevat het.

*’n Paar dae later is ’n man en vrou van hulle selfone beroof toe hulle omstreeks 21:00 gaan stap het in Njalastraat.