Boodskappe van simpatie het van regoor die land begin instroom na sy afsterwe, aangesien hy regdeur die land opleiding gedoen het.

Sy beste vriend van meer as 20 jaar, Dolf Joubert, het lank saam met hom by die polisie se Mpumalanga speuropleiding gewerk, wat in Middelburg gesetel was.

“Willem was ’n kundige in sy gebied en ’n meester in sy klas. Almal het sy aanbiedinge geniet.” Mnr. Joubert het vertel van sy vriend se opgeruimde geaardheid en hoe hy altyd gereed was met ’n grappie.

Sy vrou, Annatjie, en kinders Kristo, Kathy, Lisa en Walter onthou hom as ’n man van sy woord.

•’n Spesiale lofdiens word Donderdag om 11:00 uit die Middelburg Baptist Church gehou om sy lewe te herdenk.