Hulle sal in ’n konvooi beweeg en ouers kan die kleingoed vanaf 17:00 laat uitgaan om hul pakkies te kry.

Vooraan die konvooi sal die tuk-tuk driewiel gesien kan word met ’n kersboom agterop, waarna hulle beslis nie vir kersvader en die elfies in die konvooi sal mis nie.

Vanaand tussen 17:00 en 21:00 sal die kinders van Groenkol, Suid, Sentraal en Mineralia bederf word.

Dieselfde tyd more-aand word pakkies uitgedeel vir die kinders van Aerorand, Clubville en Gholfsig.

•Die groep sal van ver af gehoor kan word, want DJ Heinrich Venter sal sorg vir vrolike kersmusiek.