Die babas se ma, Vicky de Meyer, het vlugtig met www.mobserver.co.za vanuit haar hospitaalbed in die Steve Biko Hospitaal in Pretoria gepraat.

Sy het gesê dat die drieling gister met ‘n keisersnit gebore is. Sy en haar man Marco is twee seuns en ‘n dogtertjie ryker.

Matlyn Coralee de Meyer het 1,6kg geweeg, Mathys Brody de Meyer het 1,7kg geweeg en Nicolaas Deon de Meyer, 1,5kg.

Dit gaan goed met beide ma en babas. Me De Meyer sê dat sy hopenlik more ontslaan sal word. Matlyn is nog in die intensiewe sorgeenheid en die ouerpaar sal in Pretoria vertoef tot al drie babas die groen lig kry om huistoe te gaan.