Me. Judy van Deventer (Leef Liefde organisasie) sê ’n stille skok was voelbaar.

Sy is omstreeks 08:00 na die Leef Liefde winkel om vir die minderbevoorregte mense, waaronder dwelmverslaafdes, kos te gee, toe sy die polisievoertuie by die sentrum sien.

“Die man wat gesterf en hulle onder ’n kombers toegegooi het, het gereeld daar op die stoep geslaap.”

Me. Van Deventer het gesien daar is jong mans, waarvan ’n hele paar dwelmverslaafdes, wat erg geskok was.

“Ek het vir die verslaafdes gesê dat hulle ook so gaan sterf as hulle aangaan met hul heroïnegebruik. Ek glo die Here het hierdie geleentheid gebruik sodat ek met hulle kon praat. Die dwelmverkopers gee nie om vir die jongmense se lewens nie. Dit is hoe die duiwel steel en verwoes, maar dit is steeds elke dwelmgebruiker se keuse of hy wil gaan vir hulp of nie.”

•Die oorledene se naam is bekend aan die joernalis, maar mag nie op hierdie stadium bekend gemaak word nie, omdat hy nog nie deur sy familie uitgeken is nie.