Daar word verneem dat die dogtertjie 54 keer gesteek is.

’n Anonieme ouer het laat weet dat hulle gehoor het hoe die dogtertjie geweldig skree, en dat die kinderaarts aan haar ouers vertel het dat 54 angels verwyder moes word.

Skoolhoof van Middelburg Primary School, mnr. Renier Loubser, wat Sunbeams ook bestuur, het die byeaanval aan www.mobserver.co.za bevestig.

Hy het gesê dat die ander drie kleuters wat ook gesteek is, nie ernstige nagevolge oorgehou het nie.

Mnr. Loubser sê dat die bye vermoedelik trekbye is van ’n korf wat naby die skool geleë is.

“Ons kan nie bevestig of die bye op die perseel of naby die perseel is nie, maar ’n byeboer sal vandag ondersoek instel en die bye verwyder.”

Hy het ook bevestig dat die skool vir die dag gesluit is.

•Www.mobserver.co.za kon nog nie met die kleuter se ouers kontak maak nie.