Die brandweer het gelukkig soos blits opgedaag en die brandende boom, wat reg langs die huis staan, geblus. Die huis is skuins oorkant die NG Suid Kerkgebou.

Ooggetuies sê dat hulle bewus geraak het van rook in die lug wat hulle laat ondersoek instel en die brandweer ontbied het.

Niemand is seker hoe die palmboom aan die brand geslaan het nie.

Van die brandende takke het op die huis se dak geval maar dit kon verwyder word voordat die brand versprei het.

Stoom het uit die dakteels opgeslaan toe brandweermanne water daarop spuit om dit te laat afkoel.

Dit blyk egter dat buiten vir die palmboom, daar nie brandskade aan die gebou is nie.