Dinge vorder stadig maar seker weer terug na normaal en Middelburgers is veral honger vir sportaksie.

Die Dennies nagresies was oudergewoonte propvol gees, soos die liggaamsbouer in ’n tutu en hordes kinders brille en muisore van glimstokkies.

Middelburg Primary het ’n sterk opkoms gehad terwyl twee leerlinge van Laerskool Dennesig die eerste en tweede plekke in die 5km afstand behaal het.

Hoërskool Kanonkop se kanon was ook weer ingespan om vir die afsit van hardlopers en stappers.

Die Dennesig aandresies is een van die dorp se sportkalender se hoogtepunte en dis duidelik waarom.

Vanjaar se samehorigheid was tasbaar!

Die skool bedank almal, van beamptes, prefekte, ouers en deelnemers vir die ondersteuning.