Die plaas Sable Valley is vroeg vanmore weer beroof deur drie mans wat net na middernag op die plaas toegeslaan het.

Drie mans, twee gewapen, het die sekuriteitswag op die plaas oorval, hom vasgebind en sy foon en geld geroof.

Die sekuriteitswag is ook gedwing om sy skoene uit te trek voordat die rowers hom beveel het om hulle te help om die gesteelde goedere na ’n bakkie te vervoer.

Die rowers en die wag het grensdrade op twee nabure plase geknip en oor die grond met hul buit beweeg.

Die trio het die sekuriteitswag by Nasane-boerdery, ’n skaapplaas in die omgewing, vrygelaat waar die gesteelde items, twee TTX 125cc motorfietse en drie bergfietse, op ’n wit bakkie gelaai is.

Die bakkie was by watertenks op die plaas geparkeer.

Die wag is vroeg vanmore deur ’n boer gevind en die saak is toe aangemeld.

Die sekuriteitswag is nie in die voorval beseer nie.