Die ongeluk het vanmiddag net na 13:00 in Jeppestraat gebeur.

Lede van die gemeenskapspolisiëringsforum was nog besig in die parkie agter OK Grocer in Mineralia waar ’n man vasgetrek is, omdat hy sy paroolvoorwaardes verbreek het, toe hulle uitgeroep word na ’n ongeluk aan die voorkant van OK Grocer in Jeppestraat.

Die bestuurder van die bakkie het op die toneel gesê dat die voetganger van die kant af in sy voertuig vasgeloop het. Videomateriaal wat getrek is van ’n paneelbordkamera het bevestig wat hy gesê het.

’n Mens kan duidelik sien hoe die man direk in die bakkie vasloop.

•Die onbekende voetganger het gelukkig nie ernstige beserings opgedoen nie.